ਆਧਿ ਕੈ ਬਿਆਧਿ ਕੈ ਉਪਾਧਿ ਕੈ ਤ੍ਰਿਦੋਖ ਹੁਤੇ

ਆਧਿ ਕੈ ਬਿਆਧਿ ਕੈ ਉਪਾਧਿ ਕੈ ਤ੍ਰਿਦੋਖ ਹੁਤੇ

ādhi kai biādhi kai upādhi kai tridōkh hutē

आधि कै बिआधि कै उपाधि कै त्रिदोख हुते

ਗੁਰਸਿਖ ਸਾਧ ਗੁਰ ਬੈਦ ਪੈ ਲੈ ਆਏ ਹੈ ॥

gursikh sādh gur baid pai lai āē hai ॥

गुरसिख साध गुर बैद पै लै आए है ॥

ਅੰਮਿਤ ਕਟਾਛ ਪੇਖ ਜਨਮ ਮਰਨ ਮੇਟੇ

ammit kaṭāchh pēkh janam maran mēṭē

अंमित कटाछ पेख जनम मरन मेटे

ਜੋਨ ਜਮ ਭੈ ਨਿਵਾਰੇ ਅਭੈ ਪਦ ਪਾਏ ਹੈ ॥

jōn jam bhai nivārē abhai pad pāē hai ॥

जोन जम भै निवारे अभै पद पाए है ॥

ਚਰਨ ਕਮਲ ਮਕਰੰਦ ਰਜ ਲੇਪਨ ਕੈ

charan kamal makrand raj lēpan kai

चरन कमल मकरंद रज लेपन कै

ਦੀਖਿਆ ਸੀਖਿਆ ਸੰਜਮ ਕੈ ਅਉਖਦ ਖਵਾਏ ਹੈ ॥

dīkhiā sīkhiā sañjam kai aukhad khavāē hai ॥

दीखिआ सीखिआ संजम कै अउखद खवाए है ॥

ਕਰਮ ਭਰਮ ਖੋਏ ਧਾਵਤ ਬਰਜਿ ਰਾਖੇ

karam bharam khōē dhāvat barji rākhē

करम भरम खोए धावत बरजि राखे

ਨਿਹਚਲ ਮਤਿ ਸੁਖ ਸਹਜ ਸਮਾਏ ਹੈ ॥੭੮॥

nihchal mati sukh sahaj samāē hai ॥78॥

निहचल मति सुख सहज समाए है ॥७८॥

ਬੋਹਿਥਿ ਪ੍ਰਵੇਸ ਭਏ ਨਿਰਭੈ ਹੁਇ ਪਾਰਗਾਮੀ

bōhithi pravēs bhaē nirbhai hui pārgāmī

बोहिथि प्रवेस भए निरभै हुइ पारगामी

ਬੋਹਿਥ ਸਮੀਪ ਬੂਡਿ ਮਰਤ ਅਭਾਗੇ ਹੈ ॥

bōhith samīp būḍi marat abhāgē hai ॥

बोहिथ समीप बूडि मरत अभागे है ॥

ਚੰਦਨ ਸਮੀਪ ਦ੍ਰ ੁਗੰਧ ਸੋ ਸੁਗੰਧ ਹੋਹਿ

chandan samīp dr ugandh sō sugandh hōhi

चंदन समीप द्र ुगंध सो सुगंध होहि

ਦੁਰੰਤਰ ਤਰ ਮਾਰੁਤ ਨ ਲਾਗੇ ਹੈ ॥

durntar tar mārut na lāgē hai ॥

दुरंतर तर मारुत न लागे है ॥

ਸਿਹਜਾ ਸੰਜੋਗ ਭੋਗ ਨਾਰਿ ਗਰਹਾਰਿ ਹੋਤ

sihjā sañjōg bhōg nāri garhāri hōt

सिहजा संजोग भोग नारि गरहारि होत

ਪੁਰਖ ਬਿਦੇਸਿ ਕੁਲਦੀਪਕ ਨ ਜਾਗੇ ਹੈ ॥

purakh bidēsi kuldīpak na jāgē hai ॥

पुरख बिदेसि कुलदीपक न जागे है ॥

ਸ੍ਰੀ ਗੁਰੂ ਕ੍ਰਿਪਾ ਨਿਧਾਨ ਸਿਮਰਨ ਗਿਆਨ ਧਿਆਨ

srī gurū kripā nidhān simran giān dhiān

स्री गुरू क्रिपा निधान सिमरन गिआन धिआन

ਗੁਰਮੁਖ ਸੁਖਫਲ ਪਲ ਅਨੁਰਾਗੇ ਹੈ ॥੭੯॥

gurmukh sukhphal pal anurāgē hai ॥79॥

गुरमुख सुखफल पल अनुरागे है ॥७९॥

ਚਰਨ ਕਮਲ ਕੇ ਮਹਾਤਮ ਅਗਾਧਿ ਬੋਧਿ

charan kamal kē mahātam agādhi bōdhi

चरन कमल के महातम अगाधि बोधि

ਅਤਿ ਅਸਚਰਜ ਮੈ ਨਮੋ ਨਮੋ ਨਮ ਹੈ ॥

ati ascharaj mai namō namō nam hai ॥

अति असचरज मै नमो नमो नम है ॥

ਕੋਮਲ ਕੋਮਲਤਾ ਅਉ ਸੀਤਲ ਸੀਤਲਤਾ ਕੈ

kōmal kōmaltā au sītal sītaltā kai

कोमल कोमलता अउ सीतल सीतलता कै

ਬਾਸਨਾ ਸੁਬਾਸੁ ਤਾਸੁ ਦੁਤੀਆ ਨ ਸਮ ਹੈ ॥

bāsnā subāsu tāsu dutīā na sam hai ॥

बासना सुबासु तासु दुतीआ न सम है ॥

ਸਹਜ ਸਮਾਧਿ ਨਿਜਆਸਨ ਸਿੰਘਾਸਨ

sahaj samādhi nijaāsan siṅghāsan

सहज समाधि निजआसन सिंघासन

ਸ੍ਵਾਦ ਬਿਸਮਾਦ ਰਸ ਗੰਮਿਤ ਅਗਮ ਹੈ ॥

svād bismād ras gammit agam hai ॥

स्वाद बिसमाद रस गंमित अगम है ॥

ਰੂਪ ਕੈ ਅਨੂਪ ਰੂਪ ਮਨ ਮਨਸਾ ਬਕਤ

rūp kai anūp rūp man mansā bakat

रूप कै अनूप रूप मन मनसा बकत

ਅਕਥ ਕਥਾ ਬਿਨੋਦ ਬਿਸਮੈ ਬਿਸਮ ਹੈ ॥੮੦॥

akath kathā binōd bismai bisam hai ॥80॥

अकथ कथा बिनोद बिसमै बिसम है ॥८०॥